دانلود دکلمه زیبای لری چش کال با صدای مریم شفیع زاده و شعر حسین جهانشاد (مینجایی)
…..
متن دکلمه
…
وه یایِ دو چشِ کالت میوَنِم ئی دلم تا صو
نَکه بیلَه وِه جا روئَه بونَه تش دی کِلِم تا صو
یِه چش دارِم دِ خاو هر شؤ یکی تِر تا سِحر وازه
گِئـ وِه گئ داو میارَن هم ، وِه دورِ ئی گلِم تا صو
دسِم چی کوری میگردَه وِه چوچَلکی هِنا میکه
نفس دارَه موئَه تنگ هم ، غَمِت تاسَن مِلِم تا صو
اوقه یِه جا درازِم هی وه لوءِ تشْ مغلِ غم
دلِن چو میزنِم بیکِش ، مِه چی داری هَلم تا صو
چنو پایانْ گِرئ زَمه که وا خُوش دل دِشو نورَه
نوئه دارِ بی سامونی ، وِه سَرپَر ئی کَلِم تا صو
دِ ویرِم نَرَتَه بوئم ، وِه مییا تا بِئسَن وا راس
همه بینَه وِه سروازِم ، مِه پا وِ ه پا گَلِم تا صو
چِراغی گیسَنِم سی یَه ، بَکَه روشِن درین و دَر
نَکه وا پیس ئو پَس آرِم ، بوئِرَه سرپَلِم تا صو
رموزبُر کردِمِش تاگَه ، یِه سیزِه دِش نَگوآره
چونِسِم شَلتونی وازَه ، هونه پر دِ کَلِّم تا صو
جهو تا کی بَکی چی کوگ ، سَرِت دِ زیرِ بارِ برف
دِ کارِت خو دیارَه دَ ، کِه آویارِ زلم تا صو
….
معنی کلمات مشکل
…..
بونه تش: آتش افکند
بیله: بگذارد
دی کلم: در وجودم، در آغوشم
گه وه گِئ: به صورت نوبتی
یکئ تر: یکی دیگر
چوچلکی: چرخاندن چوب بالای سر
هنا میکه: صدا می کند
تاسن: خفه کرد
ملم: گردنم
تش مغل: آتش و منقل؛ در اینجا کنایه از دود یا سوز غم
بیکش: بی صدا، بطور پنهان
دار هل: درخت کج
پایان: پاهها را
گرئزمه: گره زده ام
نوئه دار: نگهبان و کشیک شبانه
بئ سامون: بی سر و سامان
د ویرم نرته: فراموش نکرده ام
بئسن واراس: سر پا ایستند
گل( گَل): جمع، جماعت، گروه
سرپر: نقطه مرزی، دورترین گوشه
کل( کَل): مخروبه، ویرانه
گیسنم: روشن کردم، برافروختم
سرپلم: سرشاخه ام( پل معنی شاخه هم می دهد، بوئره سرپلم: سرشاخه ام را ببرد)
درین و در: داخل و بیرون
شلتون: وسیله حمل محصولاتی مثل نخود وعدس از مزرعه تا خرمن
رموزبر: مسدود، درزگیری شده
سیزه: سورن
دش: از آن
نگوآره: عبور نکند
چونسم: چه می دانستم
جهو: تخلص شاعر
آویار زلم: آبیار نیزار وحشی ام، کنایه از اینکه کار بی حاصل می کنم
