دانلود آهنگ لری دل تنگ از سجاد باغنده

دانلود آهنگ لری دل تنگ از سجاد باغنده

Lori song Download by Sajad baghandeh called Del tang

♥♥♥♥♥

متن آهنگ

….

بهار اومه وُ صحرا لاله زاره / دلُم چی لاله دایم داغ داره

خشه خووه بهاری بی تو اما / مث مار زیده یارت خو نداره

دلم تنگ ووبی و شورت گرفتم / بیو نهل تا وه غم از پا بیوفتُم

خور اومه که مهمون رقیبی / نبینه چشملم هر چی شنفتُم

مو سی خُم وا دل تنگ اینویسم / وه او یار هزار رنگ اینویسم

مو دارم درد و غم از روزگارم / چه فایده سی دل سنگ اینویسم

چقد خووه خیالش من سرت بو / ره دیر و درازی باورت بو

بگردی چی کلو ای مال و او مال / بیاهه شاهد چشمل ترت بو

چقد خووه یه شو هم وا خیالت / بیووی مهس و بد وابویه حالت

حکایت ها کنُم وا زلف زالت / بووسم دم وه دم چشمون کالت

خداوندا دلی چی برد وت ایخام /یه سینه ساکت و بی درد وت ایخام

مُنه وا هر کلومی تش وه جونم / وجودی بیخیال و سرد وت ایخام

شو مه بیقروری وهس وه جونم / عجب دردی گرفته استخونم

پسینی چی کموتر بال گرفتی / وه دهسم خهسه وابیدی گمونم

بهار ایره وه صحرا زرد ایبو / دل تینام سراسر درد ایبو

مو دونم چی بهار ای ولایت / تو هم مهرت یهروزی سرد ایبو

دلم ایخُ بهار وابو بیایی / ز ویرت رفته بویه بی وفایی

چه شووه تار و تنهایی بیایه / مث ماه شووه چارده درایی

چقد خووه خیالش من سرت بو / ره دیر و درازی باور بو

بگردی چی کلو ای مال و او مال / بیاهه شاهد چشمل ترت بو

چقد خووه یه شو هم وا خیالت / بیووی مهس و بد وابویه حالت

حکایت ها کنُم وا زلف زالت / بووسم دم وه دم چشمون کالت